Estee Lauder double wear 專櫃試用

-
Estee Lauder 專櫃服務 - 非繁忙時真係好好

話說行過某個比較靜啲嘅EL專櫃 (非銅鑼灣非旺角)
想試下新粉底double wear nude，好似乾肌都啱用
BA用部手提機幫我試顏色 仲主動幫我試上面 (好繁忙嗰d分店係唔會㗎)
然後我0消費都仲有水飲同有餅食
不過nude我覺得coverage唔夠
佢介紹我試原版double wear
本身我怕太乾 但係佢好好咁加埋advanced night repair精華俾我試
其實都無我想像中咁乾 上面嗰下又ok, 起碼無bare minerals咁乾先
不過粉底呢家嘢打持久戰㗎嘛
所以我話要行個圈先決定到買唔買
結果BA俾咗支sample仔同埋精華我返屋企慢慢試

我覺得真係好好丫 TvT 專櫃地點唔同 服務真係好唔同😑😑
_____
結果我都好俾面試咗3次
如果estee lauder double wear foundation同 bare minerals pro performance foundation比
兩者都係聲稱俾所有膚質嘅，semi matte，full coverage粉底
1. EL無咁乾
2. EL同我用嘅護膚品(serum/ oil)及primer都夾得黎，但bare minerals嗰支同其他嘢好似有仇
如果保濕+primer+EL粉底+定妝噴霧呢個組合 一上面個妝感好靚!
(如圖)
可以用手指推上
可惜放工前都係乾到浮粉
試過粉底溝油/精華 上面係幾靚幾滑 但係溝完連持久力都無咗 係溶咗無咗coverage
不過呢排咁乾燥 用乜都係好乾
雖然冬天乾咗d暫時唔買住，但夏天嘅時候我會想俾多次機會佢嘅~~~

==========================
Follow me on Instagram:
www.instagram.com/problemskingirl

Follow me on Facebook:
www.facebook.com/problemskingirl

免責聲明: 本頁所載的資料只供參考用途。雖然本頁盡力確保資料之準確性，但內容屬個人立場及意見，並不代表任何提及品牌之言論及立場，療程或產品效果亦因人而異。如有任何疑問，請向專業人士包括醫生查詢。本頁不會對任何錯誤或損失承擔責任。

留言

張貼留言

這個網誌中的熱門文章

暗瘡護理 - 心路歷程及心得 (Part 3 - 外用3 醫生處方)

-
圖片
上兩篇討論了有什麼外用暗瘡藥膏好用 Part1:  http://problemskingirl.blogspot.hk/2017/04/part-1.html Part2:  http://problemskingirl.blogspot.hk/2017/04/part-2.html 各位可能會對醫生處方的強力藥膏有興趣 , 我會在今篇與大家分享一下 但是這些藥膏都不能隨便在藥房買得到 , 是要醫生處方的 , 如有需要請向醫生查詢 ~~ 以下分享只供參考 : 1. Clindamycin (Antibiotics) 外用抗生素 有膏狀和液體狀 , 膏狀是透明的輕質地 抗生素顧名思義就是殺細菌 要注意的是抗生素並不能長期使用 否則會導致細菌抗藥性 !!! 藥物就變無效了 !!! 所以一定要經醫生處方 , 乖乖完成一個療程 我也只是用了一段時間就沒有再用了 2. Adapalene 外用 A 酸 內服 A 酸是治療暗瘡的最後一個方法 (last resort), 因為副作用多 ( 例如會生畸胎和導致抑鬱 ) 不過外用 A 酸副作用就少得多 話雖如此 , 還是要好好跟從醫生的指示 這種藥膏只能在晚上使用 , 因為會增加皮膚的光敏感性 可以長期及大範圍使用 , 有去角質及疏通毛孔的功用 , 可預防暗瘡及減淡暗瘡印 不過 !! 有些人可能用這藥膏會先經歷一段 ” 爆發期 ” 才會慢慢見效 當初醫生是先給我一支試用裝試試有沒有不良反應才繼續使用的 所以還是要去找醫生 ~~~ 3. Epiduo (Benzoyl peroxide 2.5% x Adapalene 0.1%) 這個牌子是較特別的把 Benzoyl peroxide 和 Adapalene 混合 比較強力比較乾 … 也是要先試試對你的皮膚會不會太刺激 ~ 4. Fusiderm (Antibiotics) 外用抗生素 也是外用抗生素 不過我個人不太敢用它 很強的效力但是很容易留下痘疤 …. 只用了幾次 … 其實中度至嚴重暗瘡是不能單靠外用藥膏就能治好的 ! 一定要從內在入手 ! 暗瘡並不是與個人衛生有太大關系 ,
閱讀完整內容

CPS煥膚 其實係普通嘢

-
圖片
話說某好大間嘅美容公司rxxxxx成日叫人去體驗佢其中一項療程叫 CPS煥膚 我有去脫毛嗰間sxxxx o beauty之前搞promo, $30都可以體驗下"CPS" 咁我就去下啦 反正都去開 其實 咪即係果酸煥膚囉 CP我估就係stand for Chemical Peel (化學煥膚) 又改埋d懶先進嘅名 其實只係舊酒新瓶 而且佢嘅果酸濃度又唔話你聽 但我估最多15-20% （上面感覺同我用neostrata AHA 15差唔多，以前喺醫生度做過”laa"好多） 呢個濃度唔洗喺美容院度做啦 自己屋企做都得啦 想sell我join package 但我堅持無錢就走咗🖑🖑 個CPS原價要五六百蚊一次 (package 三百幾 x 10次) 未用過果酸嘅試下喺屋企用neostrata AHA 15（15%酸），萬寧買到，200蚊一大支夠你做幾十次! 進階用家可以考慮家用the ordinary 30% AHA+BHA 或者去醫生/aplus做再深層d再高濃度d嘅果酸，又唔會sell你 又會話你知用緊幾勁嘅果酸 其實間中做下果酸皮膚會白滑好多嘅 即時效果 又可以令角質層更快更新 印都淡得快好多 不過做果酸都要精明消費😂 --------------------- Follow me on Instagram: www.instagram.com/problemskingirl Follow me on Facebook: www.facebook.com/problemskingirl 免責聲明: 本頁所載的資料只供參考用途。雖然本頁盡力確保資料之準確性，但內容屬個人立場及意見， 並不代表任何提及品牌之言論及立場，療程或產品效果亦因人而異 。如有任何疑問，請向專業人士包括醫生查詢。 本頁不會對任何錯誤或損失承擔責任。
閱讀完整內容

v-beam & Fotona 1064 激光去紅印及斑 (真金白銀自費review)

-
圖片
之前battle完d嚴重暗瘡後仲留低唔少紅印 一直都唔散 其實都已經過咗兩年, 唔見得會有spontaneous recovery 於是我的起心肝儲錢去打laser 好耐之前仲出緊瘡時都去過醫生度打laser, 不過最平都$2000一隻laser, 貴D要$4000 真係有用, 打一次已經紅印淡咗幾成 不過醫生建議我暗瘡好返晒先再打過 所以都一路無再打 見到A-plus有個雞尾酒laser優惠, 兩隻laser一齊打只要$2000 於是我揀咗打V-beam + Fotona 1064nm V-beam 功效聲稱可以去紅 打落紅嘅位係有D痛, 要忍一忍 Fotona 1064nm 係一種溫和d嘅laser, 感覺上係「加熱」及刺激皮膚底層, 整體皮膚各項問題都會有少少改善, 打落好舒服 (其實我之前無做好資料搜集, 以為Aplus嘅Fotona 1064nm同醫生幫我打過嘅 Nd: YAG 1064nm laser係差唔多... 但其實差好遠... Nd:YAG嗰隻強好多集中好多) 效果見上圖 見到泛紅問題有改善到 但係深紅印都係無乜點郁過... 有少少失望 當然唔會期望打第一次會好返晒啦, 但係個改善無我想像中咁明顯 如果你只係想改善泛紅嘅話, V-beam會係個好選擇 如果你無咩明顯嘅大問題, 可以打Fotona 1064整體改善下皮膚質素 而我自己比較多問題所以打完呢次之後會考慮轉打其他laser睇下效果如何 好在A-plus呢間公司唔會有package你join, 所以做完1次你鍾意就唔再做係完全無問題的~ 同埋之前都講過我係幾中意去A-plus因為佢完全唔hardsell, 係sell都唔sell嗰隻 所以去打laser嘅過程都係舒服嘅, 瞓喺度等待美容師同埋敷cooling mask時直頭瞓著咗loool 我今次做嘅雙效雞尾酒療程$2000已經係promo價, 就無得再減價啦! 另外留意返佢係無得比信用卡, 一定要比現金/EPS 所以儲定/帶定錢啦! ============================================== Follow me on Instagram: www.instagram.com/problemskingirl
閱讀完整內容